مـآجد :
روحي بلقاك تفز فزت حمامة
وتحوم حولك من غلاك واملها
يا لين نظرة غلاك والابتسامة
ترد روحي الغالية في محلها
منصــور :
يكفي فضاه صدري فؤآده غرامه
يحمل محبة انت ما تلقى مثلها
يعني اذا جيت تحصي شوقه وهيامه
تقدر تقول بكثر هالدنيا كلها
منصــور :
اهواك وارسم للتعجب علامة
كلما بنورك عيني خطت كحلها
واسال هواك كل عظيم مقامه
هل خلى فيني ذرة ما وصلها
مــآجد :
روح للقصيد ودور اعذب كلامه
اوجد لي كلمة توصف اعجابي كله
ياريت تلاقي لي وصف اعجاب واعجازه
حبك يسد بلآد ويكفي أهلها
مــآجد :
أشكر هواك الي غمرني اهتمامه
واشكرها روحي يالي من طيب أصلها
سوت على عمري وعمرك غمامه
تمطر احاسيس ,, وينبت غزلهـآ
منصــور :
لك مني على راسي اشيل احترامه
وأعطي من ايام عمري عسلها
لأن مدام انت بخير وسلآمة
ما أريد أي حاجة من الدنيا كلها
